Legjenda e Formula 1, Michael Schumacher është pranuar në spital në Paris për terapi speciale të qelizave burimore në përpjekje për ta rikthyer ish-shoferin në këmbë.
Ikona F1 pësoi një dëmtim të rëndë të trurit, pasi goditi kokën në një shkëmb ndërsa bënte ski në Alpet Franceze në vitin 2013. Schumacher nuk është parë nga publiku gjatë periudhës së shërimit, pasi familja e pilotit e ka ruajtur ashpër privatësinë e tij. Kampioni shtatë herë i botës është trajtuar në shtëpi që nga shtatori i 2014-ës.
Sidoqoftë, vitin e kaluar ai u pranua në Klinikën Speciale të Parisit Georges-Pompidou për terapi të qelizave burimore.
Ai u trajtua nga profesori Philippe Menasché për të parë nëse trajtimi me ftohje e anulon procesin inflamator në trup.
Piloti do kthehet këtë muaj për të njëjtin trajtim ka bërë me dije doktori i Schumacher, Profesor Jean-Francois Payen.
Ai tha: “Ka një plan nga një deri në tre vjet për periudhën e rigjenerimit. Unë e vizitoj Schumacher-in shpesh dhe flas me familjen e tij për përparimin që shoh. ”
Dr Payen gjithashtu vlerësoi gruan e Schumacher Corinna për “vullnetin e jashtëzakonshëm” të saj.
Ai shtoi: “Ajo ka bërë gjithçka që është e mundur për ta ndihmuar burrin e saj të përmirësohet përsëri. Ajo ka një vullnet të jashtëzakonshëm dhe është e vetëdijshme për atë që do të vijë. Ajo i sheh gjërat qartë dhe dëshiron të bëjë gjithçka që është e mundur për të përmirësuar gjendjen e tij.”
Muajin e kaluar, Dr. Payen, i cili ishte mjeku i parë që konfirmoi se Schumacher nuk ishte më në gjendje kome pesë vjet më parë, dha një pasqyrë në trajtimin e tij.
Corinna, e cila u martua me Schumacher në 1995, gjithashtu kohët e fundit foli në një intervistë për revistën “She”.
“Kur isha 30 vjeç, unë dëshiroja shumë të kem një kalë dhe Michael shkoi me mua në Dubai, ku synova të blija një kalë arab. Ai bëri gjithçka për mua. Nuk do ta harroj kurrë se kë duhet të falënderoj. Ky do të ishte burri im Michael.”-u shpreh ajo.
Gruaja e pilotit shtoi se është “dëshira e tij për të mbajtur sekret shëndetin e tij”, por tha se burri i saj është në “duart më të mira” raporton media angleze Express.
Corinna tha: “Ai është në duart më të mira tani dhe ne po bëjmë gjithçka mundemi për ta ndihmuar atë. Ju mund të jeni i sigurt. ”
Sidoqoftë, Luca Badoer, një ish-koleg i Schumacher në Ferrari, tha se vetëm gruaja e tij zgjedh se kush lejohet të vizitojë.
Ai tha: “Vetëm disa njerëz lejohen të vizitojnë Schumacher. Gruaja e tij Corinna vendos se kush lejohet ta shohë atë.”/Fjala.al/Përshtati në shqip: Katerina Tafa/
