Presidenti francez Emmanuel Macron do të punojë për të përmirësuar reformën universale për pensionet në vendin e tij. I ndodhur përballë protestave të shumta nga sindikatat në vend, Macron do të punojë për të përmirësuar disa aspekte të reformës për pensionet, tha një burim nga presidenca franceze. “Një përmirësim në reformën e pensioneve është i mundshëm, lidhur me moshën 64, kur një pensionist mund të marrë pension të plotë.”- citohet të thotë i njëjti burim pranë presidencës franceze.
Ulja e moshës nga 64 në 62 vjeç, për të përfituar pension të plotë është çështja kryesore që shkaktoi protestat masive të transportit publik në Francë për dy javë. Presidenti Macron shpreson që të flasë me krerët e sindikatave për të pasur një ndërprerje të grevës së transportit publik në mënyrë që njerëzit të udhëtojnë gjatë periudhës së pushimeve.
