Një nga lajmet e bujshme të ditëve të fundit ishte se deputete Myslim Murrizi themeloi një parti të re me emrin Lëvizja Demokratike shqiptare. Në këtë parti janë pjesë disa deputetë të Kuvendit si Halit Valteri e të tjerë. Por edhe më e bujshëm ishte deklarata e Murrizit e pak ditëve më parë sipas të cilit në këtë parti do ftonte edhe ish -kryetaren e Kuvendit Jozefina Topalli. Po çfarë mendon vetë zonja Topalli për këtë ftesë. Topalli zgjodhi emisionin HARD TALK NGA ROLAND QAFOKU për t’i dhënë përgjigje Murrizit. Ajo deklaroi se nuk do të jetë pjesë e kësaj partie.
-A do jeni ju pjesë e partisë së zotit Murrizi?
-Nuk kam asnjë dëshirë që as të lëviz nëpër parti, as të ndryshoj parti, se unë e kuptoj pse krijohen këto parti. Pse ka iniciativa kaq të shumta për të krijuar diçka të re. Sepse po jetojmë në një moment të degradimit të dy forcave kryesore politike, pas tre dekadave gati, gati duket si mbyllje e ciklit të kësaj historie politike, dhe nga ana tjetër të një delegjitimimi të këtyre forcave politike. /Fjala.al/Ke.Ba
