Pas debateve për kërkesën e opozitës për ekspertizën e ODIHR mbi këshillin politik, përfaqësuesi i PS-së Damian Gjiknuri është larguar.
Së pari ishte opozita e bashkuar të cilët dolën nga mbledhja duke u shprehur se janë në pritje të përgjigjes së Gjiknurit lidhur me kërkesën e tyre për ODIHR.
Mbledhja vijon mes Hajdarit, Bylykbashit dhe Petrit Vasilit. Bylykbashi tha se Gjiknuri ka ende kohë të kthejë përgjigje për të kërkuar asistencë nga OSBE/ODIHR.
Nëse PS pranon, tha Bylykbashi opozita është e gatshme të mblidhet sërish sot, por që duhet firmosur nga palët një fletë ku kërkohet asistenca e ODIHR.
“Ne bëmë kërkesën zyrtare që përfaqësuesit e Partisë Socialistë të bien dakord për të dorëzuar kërkesë për të marrë asistencë nga OSBE/ODIHR në përputhshmëri me standardet për propozimet që bëjnë, ishim të gatshëm të vazhdonim mbledhjen për aq kohë sa PS të kërkonte, por e bojkotit.
Nëse reflekton mund të rikthemi po sot për të vijuar mbledhjen. Nëse po duhet nënshkruar një letër për asistencë të OSBE ODIHR, dhe nëse nuk pranon le ta sjellë më shkresë si refuzim zyrtar”, tha Bylykbashi./Bl.Ba/Fjala.al
