Richard Grenell, i dërguari special i SHBA-së për dialogun Kosovë-Serbi do të vizitojë ditën e nesërm Kosovën së bashku me 13 zyrtarë të tjerë amerikanë.
Sipas burimeve kjo vizitë e Grenell së bashku me zyrtarët e tjerë realizohet për të verifikuar se deri ku ka shkuar zbatimi i marrëveshjes së 4 shtatorit në Shtëpinë e Bardhë për normalizimin e raporteve ekonomike Kosovë-Serbi.
Kosova dhe Serbia nënshkruan më 4 shtator një marrëveshje për normalizim ekonomik, e cila u konsiderua historike për faktin se hap rrugë të dy vendeve drejt një normalizimi të raporteve ekonomike si dhe hapet rruga për investime në gjithë rajonin përfshirë në autostrada, hekurudha dhe gaz./Jo.Be/Fjala.al
