Një sirian i dyshuar për trafikun e paligjshëm të klandestinëve që vinin nga vendet në konflikt ka rënë në prangat e policisë në Pogradec.
Burime pranë komisariatit të Pogradecit thonë se ky shtetas është arrestuar rastësisht në mjetin e një shtetasi tjetër.
Mësohet se ka qenë sekuestrimi i telefonit ai që ka nxjerrë zbuluar këtë person, duke nxjerrë të gjithë personat e kontaktit dhe bisedat që kishte zhvilluar gjatë këtyre muajve. Personi në fjalë ka qenë për rreth 4 muaj në lëvizje në qytete të ndryshme të qarkut dhe jashtë tij, duke organizuar trafikun e emigrantëve që nga vendet e origjinës e deri në Tiranë apo nëpër vendet e tjera të BE.
Policia ka dyshime që mund ta ketë arrestuar edhe herë të tjera të njëjtin person, i cili ka përdorur identitete te ndryshme, por një kontroll i detajuar është bërë pikërisht tani kur kanë sekuestruar edhe telefonin e tij.
Pa.Va/Fjala.al
