Për shkak të numrit të të shtruarve në spital Ministria e Shëndetësisë ka marrë 30 respiratorë Danimarkës.
Mediat daneze bëjnë me dije se Shqipëria ka marrë në përdorim 30 respiratorë për të trajtuar pacientët që ndodhen në terapi intensive.
Lajmi është konfirmuar edhe nga Ministria e Jashtme e Danimarkës, e cila thekson në faqen e saj se respiratorët do t’i jepen në përdorim Shqipërisë për aq kohë sa do t’i duhen dhe më pas do të rikthehen në vendin e origjinës.
Situata me të shtruarit nga koronavirusi është rënduar në spitalet shqiptare. ISHP njoftoi dje për 201 të shtruar në të dy spitalet Covid, nga të cilët 17 janë në terapi intensive dhe 8 të intubuar./Re.Gu/Fjala.al
