“Ata më quajnë të ndyrë sa herë që kaloj” kjo ankesë vjen nga Drejtori i një kopshti zoologjik në Britani. Drejtori i parkut Steve Nichols nuk ankohet për punonjësit e tij, por për pesë papagaj që ishin në kopshtin që ai drejtonte.
Ngjarja e paprecedentë ka ndodhur në kopshtin zoologjik “Lincolnshire”. Pesë papagajtë e rinj të këtij parku filluan të shanin çdo vizitor që vinte në park duke mos kursyer as personelin, por edhe drejtorin.
Eric, Jade, Elsie, Tyson dhe Billy janë emrat e papagajve gri afrikanë që u dhuruan në kopshtin zoologjik disa javë më parë nga pesë pronarë të ndryshëm.
Të pestë ishin në karantinë në të njëjtin kafaz përpara se të ekspozoheshin si atraksioni i ri i qendrës. Por befasia erdhi kur papagajtë filluan të shanin dhe mallkonin. La.Mi/Fjala.al
La.Mi/Fjala.al
