Interi ka marrë fitoren e dytë në sezonin e ri në Serie A në po kaq ndeshje.
Zikaltrit triumfuan 2-5 ndaj Beneventos në sfidën që ishte parashikuar të ishte e para në kampionat, por që u shty nga federate. Skuadra e Contes e nisi menjëherë vrrullshëm duke shënuar që në sekondën e 30 me Lukakun, i cili u shërbye nga Hakimi. Gagliardini dyfishoi me një goditje të bukur në minutën e 25’ ndërkohë që i dhuroi dhe assistin Lukakut për golin e tretë dy minuta më vonë.
Më pas Carprari ngushtoi disi diferencën pas një gabimi nga Handanovic, por Hakimi realizoi edhe golin e katërt duke dërguar skuadrat në dhomën e zhveshjes me diferencën e thellë 1-4. Në pjesën e dytë pati minuta edhe për Lautaro Martinez që shënoi golin e 5-të për zikaltërit, ndërsa ishte sërish ai që Carprari realizoi edhe golin e dytë për Beneventon.
Sfida u mbyll 2-5 për Interin që fiton sërisht një ndeshje me shumë gola. Vlen të theksohet performanca shumë e mirë nga Hakimi, i cili realizoi golin e parë me zikaltrit dhe dhuroi assistin e dytë në dy ndeshjet e para të Serie A. Ndërkohë goli i Lukakut ishte më i shpejti në Serie A për Interin që nga sezoni i largët 2004-2005.
https://www.youtube.com/watch?time_continue=4&v=RoT70qyIpSY&feature=emb_title
Pa.Va/Fjala.al
