Kryeministri Edi Rama garantoi se mekanizmi i propozuar nga PS dhe që sot u votua në Kuvend si ndryshime në Kodin Zgjedhor do të provojë se shqiptarët kanë për të zgjedhur përfaqësuesit e tyre.
Gjatë një deklarate për mediat, Rama tha se formulat i ka shpikur bota, dhe Shqipëria ka marrë një mekanizëm, por ai thekson se pas zgjedhjeve do të shihet pikërisht që shqiptarët do të zgjedhin me votat përfaqësuesit e tyre.
“Së pari njëherë, kur flasim për shembull, për preferenca si bëhet hapja e listave. Së dyti nuk shpikim, formulat i ka shpikur bota, dhe ne kemi studiuar si funksionojnë listat e hapura në vende të botës. Kemi parë disa mekanizma.
Kemi zgjedhur këtë, ku gjithkujt i jepet mundësia të bëhet përfaqësues i popullit në kuvend, të konkurrojë, edhe partia e cila ka përgjegjësinë t’iu paraqesë skuadrën, bën formacionin e vet, dhe më pas konsultohet me votuesit, dhe votuesi përcakton kush hyn dhe jo në fushë.
Mund të ketë dallime plot e diskutime, por standardet janë të garantuara. Asnjë nuk hyn direkt deputet siç ndodhte pa marrë pëlqimin, apo i përjashtuar. Kanë një formim e eksperiencë. Shqiptarët do zgjedhin vetë përfaqësuesit e tyre përsëri. Shqiptarët do zgjedhin patjetër. Është zgjedhje që e kanë shqiptarët. Do e shihni pas zgjedhjeve që do ketë rast që do provohen”, u shpreh Rama.
Ndërsa i pyetur pse ulën pragun në 1%, Rama tha se, “Fjalën shushunjë nuk e përdor. E kam stres kur përdorej për propagandën komuniste. Atëherë, opinioni im për partitë e vogla është ai që thashë. Por opinioni im nuk mjafton.
Unë s’jam diktator, as autokrat, aspak i ngjashëm me ata të cilë më hidhen mua duke folur për veten e tyre. Do të thotë që dua s’dua unë. E bëmë një ulje praprake, tani 1%. Çfarë janë këto parti, edhe pragu kaq, dhe klithin. Ça duan në kuvend ende? Të dalin të marrin vota”./Bl.Ba/Fjala.al
