Partia Demokratike ka denoncuar shumicën e koncesioneve të firmosura nga qeveria e Edi Ramës. Por ç’do bëjë kjo forcë politike nëse vjen në pushtet me koncesionet? E ftuar në emisionin HARD TALK NGA ROLAND QAFOKU Vokshi sqaroi:
-Një nga problemet që keni ngritur ju dhe PD janë koncesioneve dhe kryesisht ai i Check up-it i cili është më i njohur. Nëse PD vjen në pushtet, çfarë do ndodhë me koncesionet? Sepse kontrata është e ligjshme, është e firmosur.
-Do bëhet për çdo koncesion një hetim administrativ. Kjo është në dorë të qeverisë. Nëse behët një hetim administrativ i thelluar, profesional, jam e bindur që të gjithë koncesionet e shëndetësisë, disa koncesione rrugësh, koncesioni i pompave, i porteve, dhe shumë të tjera kanë shumë shkelje ligjore, jo vetëm në procedurë. Qoftë në mënyrën e shpalljes, në mënyrën e kostimit, në mënyrën e vlerësimit, mënyrën sesi u lidh kontrata, çdo hap ka shkelje ligjore. Jo vetëm aq, po implementimi ka shkelje flagrante. Ka abuzime flagrante të vërtetueshme. Kush është ai në Strasburg që do i japë të drejtën një koncesionari apo zyrtari që mbështet këtë koncesionar që abuzon me paratë publike në mënyrë të përditshme evidentuar dhe nga KLSH në çdo raport vjetor në tre vitet e fundit. Ne si qeveri, kur të jemi në qeverisje do ndërmarrim çdo hap që ka në dorë qeveria e para për ta çuar para drejtësisë, dhe nëse Rama është në pushtet sot, është sepse nuk funksionon drejtësia./Fjala.al/Ke.Ba
