Mashtrimi me faturat në Agjencinë Kombëtare të Burimeve Natyrore ka prekur një kompani amerikane që lidhet me puset e naftës.
‘Fjala.al’ ka zbardhur më herët edhe skemën e mashtrimit se si zyrtarët e Agjencisë Kombëtare të Burimeve Natyrore në bashkëpunim me dy biznesmen i shkaktuan shtetit një dëm prej 1.5 mln dollarë.
Në pranga kanë rënë edhe Naim Kasa, biznesmeni në fushën e hidrokarbureve.
Gjithashtu janë arrestuar edhe punonjësit Arben Doda, Simon Marku, Qano Hoxhaj, Denis Durrsi, teksa është lënë në arrest shtëpie Rezarta Sulejmani.
Ndërkohë janë shpallur në kërkim biznesmeni i hidrokarbureve Isuf Berber, aksioner edhe i kompanisë Fufarma’, si edhe Klodian Gradeci, ish-drejtori OST-së në Tiranë, tashmë mbante detyrën e drejtorit të hidrokarbureve AKBN-së.
Gradeci, në Janar 2019 ka dhënë dorëheqjen nga posti Drejtorit të Operatorit të Sistemit të Transmetimit, pas skandalit me firmën “DH Albania”, ku i kishte dhënë kësaj kompanie një tender me vlerë 18 milion euro.
Të arrestuarit dhe rolet e tyre
Arben Doda, inspektor Tatimesh, nën akuzë për mos kryerje të detyrës
Simon Marku, inspektor i Tatimeve, nën akuzë për mos kryerje të detyrës
Qano Hoxhaj, inspektor i AKBN-së, nën akuzë për shpërdorim detyre
Denis Durrsi, drejtor i Ekonomisë në AKBN, nën akuzë për shpërdorim detyre
Naik Kasa, biznesmen në fushën e hidrokarbureve
Në kërkim
Biznesmeni Isuf Berber, aksioner i kompanisë Fufarma’
Klodian Gradeci, ish-drejtori OST-së në Tiranë, tashmë mbante detyrën e drejtorit të hidrokarbureve AKBN-së
Në arrest shtëpie
Rezarta Sulejmani./Bl.Ba/Fjala.al
