Policia e Tiranës ka arrestuar një 60-vjeçar pas denoncimit nga bashkëshortja e tij për dhunë në familje.
60-vjeçari me iniciale V.B., nga Tirana ka ushtruar dhunë në mënyrë të vazhdueshme mbi bashkëshorten e tij, ndërsa kjo e fundit e ka denoncuar vetëm së fundi.
Ndër të tjera policia ka njoftuar së ka bërë arrestimin e 3 shtetasve të tjerë për vepra penale të ndyshme.
R.B., 21 vjeç dhe F.Gj., 33 vjeç, pasi u kapën në flagrancë duke drejtuar mjetet përkatëse në gjendje të dehur si dhe shtetasin A.M., 37 vjeç,për vjedhje të mbetur në tentativë.
Njoftimi i policisë:
Tiranë
Arrestohen në flagrancë 4 shtetas, njëri prej tyre i shpallur në kërkim.
Në vijim të punës për kapjen e personave të shpallur në kërkim, specialistët për Hetimin e Krimit në Komisariatin e Policisë Nr.1, bënë kapjen dhe ndalimin e shtetasit A.M., 37 vjeç, sepse Gjykata e Shkallës së Parë Tiranë, e ka dënuar me 6 muaj burg, për veprën penale “Vjedhja”, e mbetur në tentativë.
Nga specialistët për Hetimin e Krimit në Komisariatin e Policisë Nr.2, u bë arrestimi në flagrancë i shtetasit V.B., 60 vjeç, pasi në rrugën “Kujtim Spahivogli”, në mënyrë të vazhdueshme, ka ushtruar dhunë fizike ndaj bashkëshortes së tij.
Specialistët e Qarkullimit Rrugor bënë arrestimin në flagrancë i shtetasve :
R.B., 21 vjeç dhe F.Gj., 33 vjeç, pasi u kapën në flagrancë duke drejtuar mjetet përkatëse në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
