Është vendosur masa “arrest me burg” për Rrok Pepajn, babai i Daniel Pepajt i dyshuari kryesor për vrasjen e dy të rinjve në Malësinë e Madhe.
Rrok Pepaj ka mohuar të ketë lidhje dhe dijeni për kultivimin e kanabisit dhe parcelën me lëndë narkotike që është gjetur nga policia ndërkohë që kërkonin në mal trupat e Vilson Çutaj dhe Klement Pepaj.
Babai i Daniel Pepaj është shprehur se nuk kishte dijeni për kultivimin e lëndës narkotike në atë parcelë dhe se ka shkuar me policinë vetëm për të ndihmuar në gjetjen e trupave.
“Nuk kam patur dijeni për parcelën sepse në mal kam mbajtur bagëti dhe kam mbledhur boronica. Unë thjeshtë e njoh si zonë pjesën malore por nuk e kam ditur se ku ka parcela. Di faktin që djali im ka patur një ngatërresë dhe se e kanë rrahur. Djalin tim se kam parë prej disa ditësh dhe di vetëm që janë ngatërruar dhe se e kanë rrahur disa persona. Unë nuk kam asnjë faj dhe nuk kam lidhje me këto pune sepse une jam i semure dhe kam edhe gruan të sëmurë.”, pohoi Rrok Pepaj. /Ra.My.Fjala.al/
