Kryebashkiaku Erion Veliaj bëri një dedikim prekës për ndarjen e parakohshme nga jeta të kreut të Drejtorisë së Punëtorëve në Bashkinë e Tiranës, Feti Fanaj.
Përmes një postimi në rrjetin e tij social Facebook, Veliaj e ka cilësuar Fetaj si një mik dhe vëlla i pazëvendësueshëm.
“Fetiu ishte një mik ideal, një baba i jashtëzakonshëm i Mishelit të vogël.
Nga ata njerëz punëtorë që i dha kaq shumë Tiranës, kuronte çdo ditë, me po të njëjtin pasion, çdo detaj të shkollave, kopshteve dhe çerdheve tona publike. I kudogjendur, i palodhur!
U prehsh në paqe i dashur Feti, vëlla i pazëvendësueshëm për të gjithe ne! Ngushëllime Nidës së re e nënës së tij hallemadhe, që sapo humbi edhe të shoqin.
Nuk do t’ju lëmë kurrë vetëm!”, shkruan Veliaj.
Feti Fanaj është ndarë nga jeta në orën 01.00 pas mesnate, në Turqi, ku ishte shtruar pas infektimit me Covid-19. Ai ishte drejtori i drejtorisë së punëtorëve të kryeqytetit, në Bashkinë e Tiranës.
Fanaj prej disa ditësh i intubuar tek Infektivi u transportua drejt Turqisë, për një mjekim më të specializuar, por nuk ia doli dot të mposhte sëmundjen e rëndë./Bl.Ba/Fjala.al
https://www.facebook.com/ErionVeliaj/posts/10158906805331926
