Policia e Durrësit ka arrestuar ditën e sotme tre persona të shpallur në kërkim për vepra penale të ndryshme.
Shtetasi me iniciale Y.K., është vënë në prangat e policisë pasi ka shkatërruar rrjetin e ujësjellësit në qytetin e Durrësit.
Është arrestuar gjithashtu edhenjë 32-vjeçar me iniciale Xh.Y., i akuzuar për dhunë psikologjike dhe fizike ndaj bashkëshortes së tij.
Shtetasi E.D., 24 vjeç është arrestuar nga specialistët e Qarkullimit Rrugor pasi në autostradën Durrës-Tiranë, ka goditur mjetin tip “Opel” dhe më pas është larguar nga vendi i aksidentit.
Si pasojë kanë mbetur të plagosur drejtuesi dhe pasagjeri i mjetit “Opel”, të cilët pasi kanë marrë ndihmën mjekësore në spital janë larguar në banesë.
Materialet i kaluan Prokurorisë së Rrethit Gjyqësor Durrës, për veprime të mëtejshme. /Ra.My.Fjala.al/
