Ekspozita me rastin e 100-vjetorit të Kongresit të Lushnjës, është përuruar sot në prezencë dhe të nënkryetes së Kuvendit, Vasilika Hysi,
Në fjalën e saj, Hysi falënderoi në mënyrë të veçantë ata që kontribuan në organizimin e kësaj ekspozite të përgatitur me rastin e 100-vjetorit të parlamentarizmit shqiptar: Drejtorinë e përgjithshme të arkivave, Muzeun historik kombëtar dhe Agjencinë Telegrafike Shqiptare, të cilat bashkë me shërbimet e Kuvendit të Shqipërisë sjellin në kujtesë episode të rëndësishme të historisë 100 vjeçare të parlamentarizmit shqiptar.
“Parlamentarizmi shqiptar filloi me Kongresin e Lushnjës, i cili përmbylli periudhën e shtetformimit dhe vendosi përfundimisht arkitekturën institucionale të shtetit të pavarur shqiptar. Kongresi shprehu në mënyrë të qartë vullnetin dhe vendosmërinë e shqiptarëve për të mos lejuar një copëtim tjetër të trojeve të tyre nga Konferenca e Paqes në Paris”, u shpreh Hysi.
Po ashtu Hysi vlerëson rolin e presidentit të SHBA Uillson për mosndarjen e territorit të Shqipërisë.
