Një 3-vjeçar që di të lexojë, të shkruajë dhe të numërojë i shkon në zyrë ministres së Arsimit Evis Kushi.
”Eljo djalosh special, i cili ka aftësi të rralla inteligjence. Ai është ndryshe nga bashkëmoshatarët e tij”.
Ministrja Kushi thotë se ai do të marrë ndihmën e nevojshme nëpërmjet specialistëve, që do të përcaktojnë se në cilën fushë Eljo duhet mbështetur.
“Është shumë e qartë që ai ka një tjetër zhvillim e nivel inteligjence në krahasim me shumicën e fëmijëve të moshës së tij. Prandaj, prindërve të tij i ofrova gjithë gatishmërinë time për t’i ndihmuar për çfarëdo është e nevojshme nëpërmjet specialistëve të ndryshëm, të cilët do të përcaktojnë edhe llojin e fushës ku Eljo i vogël e i madh ka nevojë për t’u mbështetur,” deklaron ndër të tjera ministrja Kushi përmes një statusi në rrjetin social Facebook.
Tashmë është bërë zhargon të thuhet se Shqipëria ka shumë njerëz inteligjentë, por ata largohen nga vendi për arsye që të gjithë i dimë, por asnjëri nuk i thotë atëherë kur duhet. la.mi/Fjala.al
