Etien Tare, i biri i Igli Tares është përfshirë në listën e Lazios në Champions League.
Ekipi bardhekaltër ka publikuar listën e Champions League dhe sipas rregullores duhet që pjesë e skuadrës të jenë dhe dy të rinj nga klubi i Primaveras.
Dy talentet e zgjedhur nga Inzaghi janë Etieni dhe Matia Peruci. Etieni është 17 vjeç ndërsa Matia është 18.
Edhe pse e vështirë që t’iu vijë radha për të debutuar në Champions, të 2 të rinjtë e talentuar do të jenë në dispozicion të trajnerit.
Etien Tare lindi në Brescia, në vitin 2003 kur i ati, Igli ishte pjesë e kësaj skuadre. Ai është i gjatë 192 cm dhe arma e tij më e fortë janë gjuajtjet me kokë.
Prej disa sezonesh djali i Iglit është pjesë e akademisë së Lazios, ndërsa tani do të jetë në dispozicion të ekipit të parë.
Pa.Va/Fjala.al
