NATO i ka dhuruar Shqipërisë 60 respiratorë të prodhuar në Amerikë nga stoku i Aleancës.
Ambasada Amerikane nëpërmjet një postimi në faqen zyrtare në facebook shprehet se aleatët e NATO-s qëndrojnë të bashkuar në luftën kundër Covid-19.
“Dorëzimi i sotëm në Shqipëri i 60 respiratorëve të prodhuar në Amerikë nga stoku i Aleancës tregon përkushtimin e Shteteve të Bashkuara ndaj lidhjes sonë transatlantike dhe bashkimin e vërtetë të NATO-s përballë sfidave globale”, thuhet në njoftimin e ambasadës në facebook.
Shqipëria ka regjistruar 301 raste të reja pozitive me koronavirus dhe 4 viktima gjatë 24 orëve të fundit./Jo.Be/Fjala.al
