Agjensia e kontrollit të sëmundjeve e Bashkimit Evropian iu është bashkuar punonjësve të shëndetit për të dhënë alarmin e një vale të dytë infektimesh me COVID, në të gjithë kontinentin, pasi OBSH paralajmëroi një rritje “eksponenciale” të infeksioneve.
Edhe vendet që arriten të shmangin shpërthimet e rënda gjatë valës së parë të infektimit në Europë, kanë shënuar një rritje të rasteve të reja.
Gjermania të shtunën kaloi shifrën e 10 mijë viktimave, si pasojë e virusit Covid-19.
Shtetet kanë rivendosur masat e kontrollit me qëllimin e parandalimit të përhapjes së virusit, duke përkuar me kohën kur shumë vende menduan se kishin triumfuar mbi pandeminë.
Megjithatë, vendet e stresuara nga izolimi dhe vështirësitë ekonomike nuk po ndjekin me përpikëmëri masat e reja kufizuese, pa harruar të rikujtojmë këtu përplasjet në Napoli mes policisë italiane dhe qindra qytetarëve protestues.
“Evropa po përballet me një kërcënim të madh për shëndetin publik dhe me një situatë shumë shqetësuese epidemiologjike”, tha Andrea Ammon, drejtor i Qendrës Evropiane për Parandalimin dhe Kontrollin e Sëmundjeve (ECDC).
Agjencia deklaroi se të gjitha vendet e BE-së, përveç Qipros, Estonisë, Finlandës dhe Greqisë ranë në kategorinë e “shqetësimit serioz”.
Pasi Spanja u shënua si vendi i parë evropian që regjistroi zyrtarisht një milion raste me Covid-19 në fillim të javës, kryeministri Pedro Sanchez tha të premten se numri real i infeksioneve ishte më shumë se trefishi i këtij numri.
Franca ndoqi Spanjën për numrin e personave të infektuar, ndërsa Gjermania shënoi një rekord të ri ditor me gati 15 mijë raste të reja.
Autoritetet shëndetësore iu kërkojnë qytetarëve të respektojnë masat e distancimit social./Re.D/Fjala.al
