Gjykata ka dhënë vendimin për autorin e vrasjes së Shkodran Bytyçit në Kosovë. Si shkak i vrasjes makabër të ndodhur më 8 dhjetor të 2019 ishte një borxh që viktima i detyrohej autorit.
Viktima Shkodran Bytyçi dhe autori Trimor Lalinovci ishin shokë, por kjo nuk e ndaloi këtë të fundit të vriste dhe të digjte trupin e shokut të tij.
Mediat kosovare shkruajnë se gjykata ka dhënë masën e sigurisë “Burgim të përjetshëm” për Trimor Lalinovci.
“Gjykata ka ardhur në përfundim se shqiptimi i dënimit me burgim të përjetshëm ndaj të akuzuarit është në përputhje me shkallën e përgjegjësisë penale ndaj të akuzuarit dhe përgjegjësinë Penale. Gjykata është e bindur se dënimi i shqiptuar do ta arrijë qëllimin e dënimit për parandalimit e të akuzuarit për kryerjen e veprave penale. Kundër këtij akt gjykimi palët kanë të drejtë për ankesë”, ka deklaruar gjyqtari i çështjes./Re.Gu/Fjala.al
