Ka disa personazhe që mendojnë se Lulzim Basha mund ta zhgënjejë opozitën nëse vjen në pushtet si kryeministër. Por Dashamir Shehi bën një premtim publik. Gjatë emisionit HARD TALK NGA ROLAND QAFOKU, Shehi tha se nëse Basha zhgënjen, ai do bëhet kundër Bashës.
-Unë preferoj një njeri normal që t’i bëjë punët normale, të mos i vjedhë shtetit. Të zbatojë ligjet e shtetit. Domethënë të mos i rrijë ligjit sipër, por t’i rrijë ligjit poshtë. Dhe e treta, këto dy punë t’ia transmetojë atyre që do vijnë të na votojnë në mënyrën më normale të mundshme. Që ta bëjmë të kuptueshëm dhe të besueshëm. Kështu që edhe Basha kur të vijë do ta shikojmë. A do t’i rrijë dhe ky ligjit sipër apo do ta ulë kokën poshtë ligjit.
-Po nëse do zhgënjeheni çfarë do bëni ju?
-Do dalim kundër Bashës, çfarë do bëjmë. Siç kam dalë dhe kundër të tjerëve./Fjala.al/Ke.Ba
