Një 20-vjeçar ka tentuar të vrasë me armë zjarri një 37-vjeçar në Shkodër pas një konflikti të çastit, por menjëherë ka ndërhyrë policia për të parandaluar ngjarjen që do kishte pasoja fatale.
Pas sherrit 20-vjeçari ka nxjerrë armën dhe ka qëlluar, por fatmirësisht plumbat nuk e kanë kapur 37-vjeçarin.
Ngjarja ka ndodhur mbrëmjen e djeshme rreth orës 22:00 dhe policia e Shkodrës ka marrë një telefonatë ku sipas telefonuesit në një lokal në fshatin Vrakë dy persona po konfliktoheshin . Mbërritja në kohë e policisë ka bërë të mundur parandalimin e mëtejshme të konfliktit, ndërsa 20-vjeçari, sapo ka parë Policinë është larguar me shpejtësi, por është kapur gjatë ndjekjes.
Pas arrestimit është gjetur dhe sekuestruar arma e zjarrit pistoletë me silinciator, të cilën autori e hodhi në rrugë gjatë ndjekjes së Policisë, si dhe automjetin me të cilin ai tentoi të largohej.
Në pranga u vu 20-vjeçari, autori i ngjarjes, i cili u arrestua në flagrancë për veprat penale “Vrasja me paramendim” e mbetur në tentativë dhe “Armëmbajtja pa leje”.
Gjithashtu në pranga u vu pronari i lokalit, për veprat penale “Organizimi i lotarive të palejuara”, “Vënia në dispozicion e lokaleve për lojëra të palejuara “, “ Fshehja e të ardhurave“, Tregtimi dhe transportimi i mallrave kontrabandë“ dhe “Ruajtja ose depozitimi i mallrave kontrabandë dhe 37-vjeçarin që tentoi 20-vjeçari, për veprën penale “Organizimi i lotarive të palejuara”.
Në vijim të veprime, Policia arrestoi në flagrancë shtetasin A. P., 45 vjeç, pasi gjatë kontrollit të ushtruar në ambientet e lokalit në pronësi të tij, u gjetën dhe u sekuestruan një sasi birre në shishe pa pullë fiskale, një tavoline pokeri, dy pako letra bixhozi dhe një pako çipsa për lojë pokeri.
Nën drejtimin e Prokurorisë së Rrethit Gjyqësor Shkodër vijon puna për zbardhjen e plotë të kësaj ngjarjeje.
