Kryeministri italian, Giuseppe Conte është shprehur sot se do të ashpërsojë më shumë masat antiCovid.
Në një fjalim që mbajti në foltoren e parlamentit ai u shpreh se në vendet që janë më të rrezikuara do të ashpërsohen masat ku në të përfshihen ndalimin e udhëtimit në rajonet më të goditura të pandemisë, futjen e vendit në shtet-rrethim gjatë natës.
Conte gjithashtu u shpreh se vendi do të ndahet në tre kategori në varësi të nivelit të rrezikut dhe se masat e reja anti-Covid do të miratohen përpara ditës së mërkurë.
“Muzeumet dhe ekspozitat u mbyllën në të gjithë territorin kombëtar, madje edhe në rajone ku rreziku i infektimit është më pak i përhapur. Për të gjithë territorin kombëtar ne ndërhyjmë vetëm me masa specifike që ndalojnë përhapjen e virusit: mbyllja e qendrave tregtare, dhomave të lojërave, sallave të bingos dhe këndeve të basteve.
Ne parashikojmë kufizime për udhëtimet në mbrëmje dhe mësimi në distancë për shkollën e mesme. Kurba e infektimit ka bërë të nevojshme që ne të përgatisim një grup të ri masash shtrënguese dhe t’i miratojmë ato përpara së mërkurës,” tha Conte.
Që nga fillimi i pandemisë Italia është një nga vendet më për prekura nga Covid-19 në të gjithë botën. Në Itali janë regjistruar 709,335 persona pozitiv me Covid-19 ndërsa 38,826 kanë humbur jetën./Bl.Ba/Fjala.al
