Zëri i Amerikës ka raportuar sot për vendimin e Këshillit të Evropës për të dërguar në Komisionin e Venecias “paketën antishpifje” të miratuar nga mazhoranca socialiste në Shqipëri.
VOA e konsideron të paqartë nxitimin e mazhorancës për të kaluar paketën, edhe pas kthimit të ligjit nga Presidenti i Republikës, në një kohë kur institucionet ndërkombëtare kërkojnë ndryshime.
“Mbetet i paqartë nxitimi i shumicës për të kaluar me urgjencë këtë paketë, në një kohë kur dhe nga institucionet ndërkombëtare është theksuar se kthimi pas i ndryshimeve ligjore nga presidenti Meta duhet të shfrytëzohet si një mundësi për të bërë përmirësime”, shkruan Voa.
