Një sherr i përfunduar me një të plagosur. Kjo është ngjarja e ndodhur në Napoli, Itali, ku protagonist është një i ri shqiptar i cili ka mbetur i plagosur me dy plumba.
Autori i plagosjes, ka hyrë brenda bar ‘Terminal’ në Acerra, Napoli dhe pa u shqetësuar fare nga klientët, ka nxjerrë pistoletën dhe ka qëlluar dy herë ndaj të riut.
I riu shqiptar ka marrë plagë në këmbë dhe është dërguar me urgjencë në spital, ku mësohet se ndodhet jashtë rrezikut për jetën.
Fillimisht ka pasur paqartësi në lidhje me kombësinë e të plagosurit, pasi shqiptari kishte pasaportë angleze.
Nga hetimet e para mësohet se para se të qëllohej me pistoletë, shqiptari ishte përfshirë në një sherr me të dyshuarin si autor të plagosjes dhe me disa të tjerë. Policia italiane mban sekret emrin e të plagosurit pasi dyshohet se ata janë të përfshirë në prishje pazaresh. n.k/Fjala.al/
