Shteti shqiptar ka dhënë 3.9 milionë euro për të blerë vaksinën anticovid. Kjo u miratua në parlament dhe zv.ministrja Mira Rakacolli tha për HARD TALK NGA ROLAND QAFOKU se kjo është një nga gjërat më të mira që ka bërë shteti shqiptar.
-Kemi një dritë jeshile javën e fundit, daljen e vaksinës. Thuhet se ka një efikasitet prej 90%. Shqipëria e ka pasur qysh në politikat shëndetësore ndjekjen e problemit të vaksinës, por në vëmendje të veçantë që në momentin e parë që flitej për vaksinën. Dhe ne jemi futur menjëherë në atë grupin e madh në atë që quhet Iniciativa e Covax-it dhe pjesë e kësaj iniciative është edhe sigurimi i kësaj vaksine. Dhe ne e kemi blerë. Kemi bërë parapagim.
-Sa është bërë pagesa?
-Është bërë 3.9 milionë euro dhe qytetarët shqiptarë e kanë ndjekur edhe aprovimin në Parlament./Fjala.al/Ke.Ba
