Një burrë nga Denver është akuzuar për vrasjen e një gruaje për arsyen më banale që mund të kemi dëgjuar ndonjëherë. Ai qëlloi me breshëri plumbash ndaj 21-vjeçares dhe të dashurit të saj pasi qeni i çiftit lëshoi jashtëqitjen e tij në oborrin e Michael Close.
21-vjeçarja, Isabella Thallas gjeti vdekjen e menjëhershme pasi Michael Close qëlloi me 24 plumba me kallashnikovin AK-47 që mbante në shtëpi. Ndërsa i dashuri i 21-vjeçares, Darian Simon u qëllua me dy plumba në këmbë dhe fatmirësisht është në gjendje të mirë shëndetësore.
Autoritetet gjetën 6 gëzhoja brenda apartamentit të Close dhe 18 të tjerë jashtë dritares së tij. Close është akuzuar se ka qëlluar nga brenda banesës së tij Thallas dhe Simon, të cilët ishin duke ecur me qenin e tyre.
E dashura e të dyshuarit, Chelsea Thompson, i tha policisë se pas të shtënave, i dashuri i saj e thirri atë duke qarë, duke pranuar se kishte hapur zjarr ndaj dy personave. Close ishte gjithashtu duke qarë dhe duke kërkuar falje kur u arrestua, thanë autoritetet vendase.
Thompson i tha policisë se i dashuri i saj kohët e fundit ishte diagnostikuar me një çrregullim të personalitetit dhe luftonte me abuzimin e substancave./r.g/Fjala.al
