Zëvendës ministrja e Shëndetësisë, Mira Rakacolli, ka komentuar akuzat e kreut demokrat Lulzim Basha, ku sipas këtij të fundit, po fshihet numri i viktimave nga Covid-19.
Në një intervistë për Report TV, ajo tha se me këto akuza kanë kaluar çdo cak njerëzor, ndërsa ka bërë thirrje që një gjë e tillë tu lihet në dorë mjekëve të cilët po e bëjën detyrën me shumë përgjegjshmëri.
“Le t’ia lëmë profesionistëve fjalët e fundit, le të mos e përfshimë akoma më shumë politikën në punën e mrekullueshme që po bëjnë mjekët. Të bësh akuza të tilla në një kohë që mjekët po bëjnë punë për të luftuar ne Covid-19, është një gjë e paprecedentë e poamenduar që ka kaluar përtej çdo caku njerëzor jo politikë”, tha ajo.
Edhe ditën e sotme Basha ripërsëriti akuzat se numri i viktimave nga Covid-19 po fshihet, duke shtuar se PD zotëron kopje ku vërtetohet kjo gjë.
Pa.Va/Fjala.al
