Kryetarja e LSI Monika Kryemadhi zbuloi se ka kaluar Covidin-19, por shtoi se nuk ka patur simptoma.
“Po e them këtu për herë të parë, nuk e kam thënë asnjëherë. Unë e kam kaluar Covid-19, pa asnjë shenjë”, tha ajo në “Open”
“Kur shkova për të bërë operacion për bajamet, mjekët italianë më thanë se e ke kaluar. Kam bërë dhe testin serologjik dhe katreguar që e kam kaluar. Nuk kam pasur asnjë shenjë. Jam e vetmja në familje që e kam kaluar”, zbuloi Kryemadhi.
Arjan Sulo ndërhyri duke thënë se për këtë arsye duhet ruajtur distanca dhe duhet mbajtur maska.
“Po unë nuk puth kënd në buzë, vetëm Ilir Metën. E kam puthur dhe se ka zënë”, u përgjgij Kryemadhi.
Kryetarja e LSI e ka shprehur hapur mosbesimin në ekzistencën e Covid-19.
“Unë nuk e njoh COVID-in, kush beson në Zot do jetojë i lumtur”, ka deklaruar ajo më herët. Këtë e ka dëshmuar shumë herë ku është shfaqur në grumbullime të ndryshme, angazhime politike apo me të rinj duke mos vendosur maskën apo duke mos respektuar distancimin social.
Pa.Va/Fjala.al
