“Demat” e Partizanit do të luajnë ditën e djelë supersfidën e javës së 19-të me skuadrën e Kukësit në stadiumin “Air Albania”, në takimin që do të zhvillohet në orën 19:00.
Klubi i të kuqve të kryeqytetit kanë publikuar vendet e planifikuara për tifozerinë e tyre në stadium si dhe çmimet e biletave të cilat variojnë nga 500 lekë të reja minimumi deri në 2000 lekë të reja.
Skuadra e Partizanit vjen në këtë takim pas humbjes me rezultatin 3-2 ndaj skuadrës së Skënderbeut në Korçë, ndërsa Kukësi pas barazimit 0 me 0 me Luftëtarin në Gjirokastër.
Rikujtojmë se java e 18-të e Superligës u mbyll me një sërë diskutimesh dhe akuzash ndaj vendimeve të arbitrave.
Ndërkohë, në njoftimin e faqes zyrtare të Partizanit përfshihen dhe vendet ku mund të blihen biletat e kësaj ndeshjeje.
Njoftimi i Partizanit:
FK KUKËSI – FK PARTIZANI
E DIEL 26 JANAR ORA 19:00
Ju njoftojmë se për këtë takim çmimet e biletave në Tribunat e “Air Albania Stadium” ku do të akomodohet tifozeria e kuqe do të jenë:
Biletat në Tribunën Qendrore: Sektorët W105, W106 dhe W107 do të kushtojnë 2 000 Lek (të reja)
Biletat në Tribunën mbrapa porte: Sektorët:S102,S103,S104,S203,S204,S205,V101,V102V103,V201,V202 do të kushtojnë 500 Lek (të reja)
Biletat mund t’i gjeni në këto pika:
– Dyqani “Joma” pranë godinës ETC kati dytë, rruga e Elbasanit.
– Pika pranë stadiumit Selman Stërmasi.
– “All In One ltd” Godina 14-15, Ish Fusha e Aviacionit Civil.
#PërjetMeTyPartizan?/Fjala.al/
