Reperi i njohur shqiptar, Gold Ag, që njihet për patriotizmin e tij, është bërë baba për herë të parë.
Bashkëshortja e tij, Ermira Shkodra, ka sjellë në jetë një djalë.
Lajmin e ka bërë të ditur vet Gold përmes një postimi në Instagram. Ai shprehet i lumtur që djali i erdhi në jetë më 28 nëntor, ndërsa bën të ditur se i ka vendosur emrin Gueril.
“Falenderimi i takon Krijuesit të qiejve dhe tokës, që sot mua dhe nusen time na furnizoi me një djalë. O Allah o Zoti im ty të takon falenderimi, o Zoti im gëzoj të gjithë çiftet që e kërkojnë këtë dhuratë prej teje. Biri im ti linde në një ditë të veçantë për mua, por edhe për mbarë popullin shqiptarë.Në këtë datë gjithmonë e festuam festën e flamurit, festuam më vonë edhe daljen publike të Ushtrisë Çlirimtare të Kosovës.
Në këtë datë lindi një njeri i madh që fal pushkës së tij ti sot linde në liri birë.Djali i babës ti erdhe me 28 Nëntor në ditëlindjen e Adem Jasharit. Emrin tënd e vendosi edhe data jote, e gëzofsh emrin GUERIL, e paq shëndetin dhe jetën e gjatë, qofsha krenarë me ty e jetofsh i lirë në tokën tënde djali jem i miri… O Zoti im ti je i vetmi furnizues, mos më largo nga mëshira jote dhe më bëj rob falenderues.”, ka shkruar Goldi.
Pa.Va/Fjala.al
