Nora Malaj deklaron se kryetarja e LSI Monika Kryemadhi nuk do mbajë asnjë post qeveritar, ministror edhe nëse LSI do jetë pjesë e pushtetit. Gjatë emisionit HARD TALK NGA ROLAND QAFOKU, Malaj tha se Kryemadhi nuk pretendon poste drejtuese në qeveri.
-A ekziston mundësia që kryeministre e vendit të jetë Monika Kryemadhi?
-Monika Kryemadhi e ka thënë qartë dhe saktë: unë nuk luftoj për pushtet, unë luftoj për t’iu kthyer shqiptarëve shtëpinë e tyre. Monika Kryemadhi nuk merr asnjë post shtetëror. Nuk do jetë as ministre, as kryeministre. Ajo lufton që e keqja të ikë nga ky menaxhim që quhet menaxhimi më i keq i mundshëm. Kjo nuk na çmotivon, por na motivon shumë sepse ka dhe figura shumë të mira të LSI që nesër mund të jenë në poste drejtuese./Fjala.al/Ke.Ba
