Ish-kryetari i partisë Demokratike Tritan Shehu hedh akuza të forta ndaj Komisionit të Vlerësimit të Kandidatëve në Partinë Demokratike. Gjatë emisionit HARD TALK NGA ROALND QAFOKU Shehu përdori dy fjalë për komisionin: intriga dhe intrigantë duke shprehur pakënaqësi të theksuar për anëtarët dhe vendimet që ai komision ka marrë. Duhet kujtuar se Tritan Sehu nuk e ka kaluar komisionin, ndërkohë që ishte deputete në qarkun e Gjirokastrës.
-Ju keni ngritur një komision për vlerësimin e kandidaturave për deputetë të PD. Ju nuk jeni aty.
-Për mua ka rëndësi votimi që u bë në Gjirokastër nga anëtarët e PD. Unë do të këshilloja diçka, ua kam thënë edhe gazetarëve të tjerë kur ma kanë bërë këtë pyetje. Mos u merrni me vogëlsira. Mos u merrni me intriga apo me intrigantë. Pa dyshim vota që më dha qarku i Gjirokastrës është thelbësore dhe këtë nuk mund ta lëkundin as intrigat dhe as intrigantët. Kaq! /Fjala.al/Ke.Ba
