Covid-19 pushton institucionin e vuajtjes së dënimit në Berat, ku përveç policëve e gardianëve virusi ka prekur edhe të burgosurit.
Mësohet se 5 policë të regjimit të brendshëm dhe atij të sigurisë, si edhe 2 të burgosur janë konfirmuar “pozitivë” me koronavirus.
Ndërkohë infektimi i të burgosurve ka shtuar frikën dhe panikun mes të gjithë të burgosurve dhe stafit të Burgut.
Sakaq ditën e djeshme datë 16 dhjetor, Ministria e Shëndetësisë në përditësimin e rasteve dhe viktimave të Covid 19 në vend, raportoi se në qarkun e Beratit në 24 orët e fundit u konfirmuan pozitiv 12 raste ndërsa 1 person humbi jetën si pasojë e virusit./Bl.Ba/Fjala.al
