Sot është ndarë nga jeta poeti Vasil Llakmani. Presidenti Ilir Meta i ka dhënë lamtumirën Llakmanit përmes një dedikimi në rrjete sociale ku shkruan se ai ishte një qytetar model që kishte një dashuri të madhe për letërsinë.
“Lamtumirë Xha Sili, burri i urtë dhe i mençur, patrioti e qytetari model, të cilin kishe gjithmonë dëshirë ta takoje e të bisedoje gjatë për bukuritë e Pogradecit, hallet e njerëzve të thjeshtë, por edhe për letërsinë, që aq shumë e deshte.
Jo më kot, i paharruari i letrave shqipe, Dritëroi ynë i madh, ishte edhe miku yt i veçantë. Me ikjen tënde, vizitat në Tushemisht nuk do të jenë më njësoj. Të prehesh në paqe Vasil Llakmani!
Mikpritja dhe bujaria jote do mbeten të paharruara! Ngushëllimet më të ndjera familjes, miqve dhe mbarë komunitetit të mrekullueshëm të Pogradecit dhe Tushemishtit“, shkruan ai./Bl.Ba/Fjala.al
