Si pasojë e një pakujdesie policia tajlandeze, ka bërë një gafë duke nxjerrë një ankand një makinë të mbushur me amfetaminë. Makina Honda CR-V u kap në provincën veriore të Chiang Rai vitin e kaluar dhe ishte vendosur në ankand ku u ble për 19000 dollarë.
Pronari i ri e dërgoi makinën në servis dhe ishte mekaniku zbuloi se në ulësen e saj të pasme kishte 94,000 pilula amfetamine.
Autoriteti antidrogë i Tajlandës ka kërkuar falje pasi vendosja e veturës në ankand është totalisht aksidentale. Ata u shprehën se mekaniku dhe pronari i ri do të shpërbleheshin për bashkëpunimin e tyre në hetimet të cilat kanë filluar.
“Sipas protokolleve, ne kërkojmë çdo automjet që kemi marrë dhe ky rast nuk ishte përjashtim. Megjithatë, ne nuk mund të gjenim asgjë në atë kohë, ndoshta sepse pilulat ishin fshehur mirë”, ka thënë një prej autoriteteve përgjegjës./Fjala.al
