Nënkryetari i Lidhjes Demokratike të Kosovës, Agim Veliu ka thënë se nuk do të heqin dorë në asnjë variant nga posti i kryeparlamentari, derisa ka theksuar se sot duhet të dihet epilogu se a ka marrëveshje për bashkëqeverisje me apo jo.
Veliu pas mbledhjes së kryesisë së ngushtë të LDK-së, tha se ata qëndrojnë pas ofertës së fundit të tyre.
“Ne po presim nga VV që të deklarohet për ofertën tonë. Oferta jonë është me kryeparlamentarin dhe pesë ministri dhe zotimin për president”, tha ai, raporton KosovaPress.
Ky qëndrim sipas Veliut është i gjitha organeve drejtuese të LDK-së.
Për mundësitë e një takimi të sotëm me Lëvizjen Vetëvendosje, Veliu tha se ka gjasa për një takim të tillë dhe se sot duhet të përmbyllet me një epilog kjo çështje.
