Një grabitje me armë ka ndodhur ditën e sotme në një bankë në Prishtinë.
Bëhet me dije se ngjarja ka ndodhur rreth orës 15:00 në filialin e një banke në rrugën “Dëshmorët e Kombit”.
Zëdhënësi i Policisë së Kosovës për rajonin e Prishtinës, Agron Borovci është shprehur se autori ka qenë më armë ka hyrë në bankë dhe ka marrë një sasi parash.
“Pas marrjes së informacionit policia ka dalë në vendngjarje dhe bazuar në informacionet e para janë ngritur dyshimet se një i dyshuar që po ashtu dyshohet të kishte dhe armë me vete ka grabitur një vlerë të caktuar parash dhe ka ikur nga vendi i ngjarjes”, ka thënë Borovci.
Policia ndodhet në vendngjarje dhe po punon për zbardhjen e rrethanave dhe për të bërë të munduar identifikimin e autorëve dhe arrestimin e tij.
