Reshje intensive bore janë regjistruar gjatë natës në Qarkun e Korçës. Dëbora, e shoqëruar me erë të fortë në zonat malore ka nisur përgjatë intervalit të orës 19:00 deri në orën 02 të mëngjesit, ndërsa trashësia e saj varion nga 10-20 cm.
Mësohet se autoritetet rrugore janë angazhuar për mbajtjen e rrugëve të hapura për qarkullimin e mjeteve, duke bërë kriposjen e tyre apo dhe pastrimin e dëborës.
Ndërkohë që temperaturat vazhduan që të uleshin, ndërsa në orët e mëngjesit kanë shkuar deri në – 7 gradë celsius.
Po ashtu, autoritetet kanë paralajmëruar drejtuesit e mjeteve që të lëvizin me zinxhirë ose goma dimërore.
Nga informacionet e dhëna nga OSHEE, probleme në furnizimin me energji janë krijuar ne fidrin qe furnizon fshatrat Dishnice, Barc, në fidrin e Cangonjit, Bilishtit, dhe ne dy fidrat e Maliqit si dhe në fidrin e Pogradecit e furnizon bregun e liqenit. Mësohet se grupet e punës po punojnë per riparimin e defekteve./Bl.Ba/Fjala.al
