Viola von Cramon, raportuese për Kosovën në Parlamentin Evropian, ka reaguar kundër veprimeve të Serbisë për pezullimin e adresave të shqiptarëve në Luginën e Preshevës.
“Ky është një problem i madh dhe duhet të adresohet urgjentisht në Beograd nga Përfaqësuesi i Lartë i BE-së, Josep Borell, i dërguari special, Miroslav Lajçak dhe Komisioneri Oliver Varhelyi”, shprehet Von Cramon.
Prej muajsh Serbia po përdor një politikë mohimi ndaj shqiptarëve në Luginë. Në rast se banorët nuk gjenden në banesat e tyre kur mbërrijnë punonjës të administratës, atëherë adresat e tyre pezullohen dhe nuk u njihet më vendbanimi. Ky veprim ndikon negativisht drejtpërdrejt në shërbimet që shqiptarët duhet të marrin në Serbi, si dhe u mohohet e drejta e votës.
That’s a huge problem and needs to be urgently addressed in #Belgrade by the #HRVP @JosepBorrellF @MiroslavLajcak and @OliverVarhelyi Absolutely correct https://t.co/mugJQkhbZc
— Viola von Cramon (@ViolavonCramon) January 16, 2021
