Në një kohë që numri i të infektuarve me COVID-19 ka arritur në 94 milion dhe ai i viktimave në 2. Përpjekjet e qeverive për të vaksinuar të gjithë qytetarët qoftë edhe me kushte, vazhdojnë në disa shtete. Drejtori i përgjithshëm i OBSH-së, Tedros Adhanom Ghebreyesus rekomandoi që për shkak të koronavirusit të vazhdojë “situata emergjente globale” dhe të mos vendoset kushti për “pasaportë vaksine” në udhëtimet ndërkombëtare.
Drejtori i programit të Situatave Emergjente të OBSH-së, Mike Ryan tha se Komiteti nuk rekomandon “kushtin që personat që udhëtojnë të posedojnë dokumentin që dëshmon se janë të vaksinuar”
Lidhur me “pasaportën për vaksinën” Komiteti tha se “Duke marrë parasysh se nuk dihet ende efekti i vaksinës në uljen e infektimit dhe se aktualisht ka një vaksinim shumë të kufizuar, Komiteti u ka rekomanduar vendeve të mos kërkojnë nga udhëtarët dëshmi se janë vaksinuar”.
Ndërkohë që bëri thirrje për të disatën herë për solidaritet mes vendeve dhe dhurimin e vaksinës për vendet të cilat ende nuk kanë pasur mundësinë ta kenë.
“Punonjësit e shëndetësisë janë lodhur dhe sistemet shëndetësore janë të tensionuara. Shohim se edhe në disa vende burimet e oksigjenit janë zvogëluar në shkallë të rrezikshme”, shtoi Ghebreyesus.
Më tej ai nënvizoi se punonjësit e shëndetësisë dhe personat me rrezik të lartë duhet të kenë përparësi në vaksinime.
