E diela e kësaj jave ka rezultuar e fundit në Për’puthen për një prej djemve të kastit.
Në fund të “Për’puthen Prime” mbrëmjen e sotme Melisa, Ana, Lediana dhe Sindi në mungesë vendosën që Ervini të largohet nga programi.
Ervini prej kohësh nuk dilte në një takim dhe të vetmet takime që pati ishin me Fjorelën dhe Anën e parë, të cilat nuk janë më në program.
Sipas vajzave, Ervini për to është vetëm një shok dhe asgjë më shumë. Mesa duket, edhe pse vajzat besojnë në “dashurinë e sinqertë”, sërish nuk do t’i jepnin mundësinë dikujt që punon kamarier në periferi të Tiranës për një takim. Dhe këtë e treguan më së miri me Ervinin duke mos i dhënë shansin për një takim.
“Ishte eksperiencë e bukur. Prisja të isha më aktiv, por nuk ndodhi”, – u shpreh Ervini, teksa tregoi edhe tatuazhin që kishte bërë në trup kushtuar “Përputhen”.