U arrestua me pistoletë me vete, Gentian Gjokës i del mashtrimi në Vlorë

113 563 lexime

124,178FansaPëlqeje

Arrestimi i Gentian Gjokës, presidentit të skuadrës së futbollit të Cërrikut në muajin dhjetor të 2019-tës, u realizua jo vetëm nga konstatimi i një pistolete që Gjoka mbante me vete, por edhe për faktin se dyshohet se biznesmeni mund të jetë përfshirë në një mashtrim në shitjen e dy apartamenteve në Dhërmi.

Nga hetimet e kryera në prokurorinë e Vlorës, rezulton se Gjoka ka mashtruar biznesmenin Genci Lulja, duke i shitur dy apartamente 2+1 dhe 1+1 në një kompleks banimi në Dhërmi, të ndërtuar nga kompania “J&T Konstruksion”, përfaqësuese e së cilës është Eljona Guma.

Nga hetimi i kësaj dosje ka rezultuar se mes presidentit të skuadrës së futbollit ‘Cërrik’ Gentian Gjoka dhe biznesmenit Genci Lulja, në muajin maj dhe shtator të vitit 2016, janë lidhur dy kontrata porosie, ku Lulja porosiste dy apartamente 2+1 dhe 1+1 në Dhërmi, me një vlerë totale prej 65 mijë euro.

Për porositjen e këtyre dy apartamenteve nga Genci Lulja, tek Gentian Gjoka, ka dhënë pëlqimin dhe përfaqësuesja e kompanisë ndërtuese “J&T Konstruksion”, Eljona Guma.

Të dyja kontratat e porosisë mes Gjokës dhe Lulja, janë nënshkruar përpara noteres Mimoza Shehu në Tiranë. Kontratat janë depozituar dhe në hipotekën e Vlorës, ndërsa shuma e eurove prej 65 mijë të tilla, është paguar në llogarinë e Gentian Gjokës, përmes një transaksioni të një banke të nivelit të dytë. Pas këtij veprimi, Gjoka i ka dhënë çelësat në dorë të dy apartamenteve Genci Lulja, dhe ky i fundit ka lidhur dhe kontratat e ujit dhe energjisë elektrike për dy apartamentet.

Por nuk ka kaluar shumë kohë, kur Genci Lulja, ka mësuar se për dy apartamentet ka kontrata porosie dhe një person tjetër. Pikërisht kjo shtetase ka lidhur dy kontrata porosie me Gentian Gjokën, për blerjen e dy apartamenteve të mësipërme 2+1 dhe 1+1, me një shumë totale prej 77 mijë euro. Nisur nga fakti i shitjes dy herë tek dy persona të ndryshëm të dy apartamenteve, Prokuroria e Vlorës ka kërkuar në muajin dhjetor 2019 arrestimin e Gentjan Gjokës, për akuzën e “Mashtrimit”.

Lexo edhe :  A ka ndryshuar qëndrimi për drejtësinë e re? Berisha: Vlerësoj çdo punonjës të SPAK

Por vetëm pak ditë pasi u arrestua, masa e sigurisë për Gentian Gjokën nga “arrest në burg”, u ndryshua në “arrest shtëpie” nga gjyqtarja e Vlorës Esmerilda Habili. Kjo pasi Gjoka dhe avokatët e tij, paraqitën para trupit gjykues disa ekzaminime spitalore, që tregonin se Gjoka vuante nga sëmundja e zemrës.

Tashmë Prokuroria e Vlorës, ka apeluar vendimin e shkallës së parë, duke kërkuar caktimin e masës së “arrestit në burg” për Gjokën./Fjala.al

Të fundit

Meningiti dhe infeksionet virale/ Mjekja: Situata nën kontroll, nuk ka vend për panik

Mjekja pediatre, Sonila Brati, shpjegoi në një intervistë për Ora News se situata me meningitin nuk është alarmante. Ajo rekomandon...

Qeveria merr vendimin: Do të hapet ambasada shqiptare në Bruksel

Këshilli i ministrave ka vendosur sot për hapjen e ambasadës së Shqipërisë në Bruksel të Belgjikës. Në njoftimin e vendimeve të miratuara sot nga Këshilli...

“Mirëdita nga burgu i Durrësit”/Veliaj nga qelia: Shejtanbudallait nuk do t’i hapim rrugë

Kryebashkiaku Erion Veliaj ka reaguar sërish ditën e sotme nga qelia, ku prej një jave po zbaton masën e sigurisë “arrest me burg”. Reagimi i...

“Mosmirënjohëse!”, plas keq mes Rozana Radit dhe Livias

Pas spektaklit të së martës Livia dhe Rozana kanë diskutuar me tone të ashpra me njëra-tjetrën. Duket se miqësisë së tyre i ka ardhur...

Rama: Kemi luftuar që në opozitë për këtë drejtësi që shohim sot

Kryeministri Edi Rama i është përgjigjur komentuesve në rubrikën “Sy m’sy” në rrjetet sociale, ku thotë se në 16 vite më parë ka bërë...

Lajme të tjera

Web TV