Një gruaje që çau fytin e një vajze shtatë vjeçare, duke i marrë jetën, i është rritur afati minimal pasi gjykatësi tha se ishte “llogaritur gabimisht“.
Muajin e kaluar, Eltiona Skana, 30 vjeçe, e konsideruar skizofrene paranojake, u dënua me burgim të përjetshëm për vrasjen e Emily Jones në një park në Bolton.
Fillimisht asaj iu tha se nuk mund të konsiderohej për lirim me kusht për të paktën tetë vjet, por ajo periudhë minimale tani është rritur në 10 vjet e tetë muaj, shkruan televizioni britanik “Sky”.
Justice Wall shpjegoi në një seancë të shkurtër në Gjykatën e Teesside, se kishte përgjysmuar dënimin duke menduar se ishte 16 vjet.
Ai tha: “Sidoqoftë, kur e kalova atë dënim, kisha harruar nga 1 prilli 2020 ligjin për periudhën minimale që duhej të vuante nga një shkelës i dhunshëm ose seksual, dënimi i të cilit ulet me dy të tretën dhe jo gjysmën e dënimit”.
“Kështu, afati minimal që unë vendosa është llogaritur gabimisht. Ishte një gabim, për të cilën unë marr përgjegjësinë e plotë”.
