TikTok, një nga platformat që pati më shumë përdorues gjatë izolimit është kthyer edhe në një nga aplikacionet më shqetësuese. Mjekët paralajmërojnë që të mos provoni një trend të ri të nxjerrë në platformë, ku një djalë përdor krem ereksioni për buzë më të plota.
Përdoruesi i TikTok-ut, Jerry Mal, postoi videon që tani ka mbi 3.5 milionë shikime. Në videon ku ai demonstronte përdorimin e kremit të ereksionit në buzët e tij, thotë:
“Në thelb, unë pashë një film ku një vajzë vuri kremin e ereksionit në buzë dhe kjo i bëri ato vërtet të mbushura, kështu që tani do ta provoj. Kam harruar se çfarë filmi ishte. Është një lloj ndjesie shpimi gjilpërash. Nuk është e tmerrshme, por do ta shohim”.
Ai më pas thotë se do ta lërë kremin për 5 minuta të tjera për të parë sa mund të zmadhohen buzët, por e heq brenda disa minutave.
“Djeg vërtetë shumë”, thotë ai ndërsa rezultati është që buzët e tij vërtetë janë zmadhuar.
Shumë prej tyre që e panë videon komentuan se ishin tunduar nga efekti.
Por mjekët paralajmërojnë: “Vendosja e kremit të ereksionit në buzët tuaja për buzë më të plota është krejtësisht qesharake dhe mund të jetë jashtëzakonisht e rrezikshme për një numër arsyesh. Individët që provojnë këtë mund të pësojnë një reaksion alergjik siç janë pickimi, flluskat dhe ënjtja. Efektet e tjera anësore kur kremi hyn në trup mund të krijojë dhimbje koke, probleme të presionit të gjakut dhe madje edhe probleme të mundshme të zemrës. Kremi gjithashtu mund të shpërthejë gjakun nga plagët”.
Doktori britanik i kozmetikës, Ross Perry, thotë gjithashtu që efekti është vetëm i përkohshëm dhe mund të zgjasë maksimumi pak orë, ndaj nuk duhet të rrezikoni.
