Vetëm pak ditë pasi doli dokumentari që tregon sakrificat dhe sfidat e jetës së këngëtares së njohur, Briteny Spears, fansat dhe personazhet e njohur publikë nisën që të shprehnin mbështetjen për artisten, e cila është prej vitesh në kujdestarinë e të atit, që menaxhon jetën dhe financat e saj. Britney ka qenë gjithmonë e heshtur për këtë temë dhe vendosi që të reagonte në mënyrë më pozitive edhe pas dokumentarit.
Ajo postoi një video të performancës së saj të 3 viteve më parë, ku shkruante: “Nuk mund ta besoj që kjo performancë e Toxic është e 3 viteve më parë! Gjithmonë më pëlqen të jem në skenë …. por po marr kohë të mësoj dhe të jem një person normal ….. Dua thjesht të shijoj bazat e jetës së përditshme! Secili person ka historinë e tij dhe idenë e tyre për historitë e njerëzve të tjerë! Ne të gjithë kemi kaq shumë jetë të ndryshme, të bukura. Mos harroni, pavarësisht asaj që mendojmë se dimë për jetën e një personi, nuk është asgjë në krahasim me atë që personi po jeton pas kamerave”.
I dashuri i Britney Spears, Sam Asghari, nga ana tjetër dha disa fjalë të ëmbla për të dashurën e tij.
“Gjithmonë nuk kam dashur asgjë përveç më të mirën për gjysmën time dhe do të vazhdoj ta mbështes për të ndjekur ëndrrat e saj dhe duke krijuar të ardhmen që dëshiron dhe meriton. Jam mirënjohës për të gjithë dashurinë dhe mbështetjen që po merr nga fansat e saj në të gjithë botën, dhe po pres një të ardhme normale, të mahnitshme së bashku. Tani është e rëndësishme që njerëzit të kuptojnë se kam zero respekt për dikë që përpiqet të kontrollojë marrëdhënien tonë dhe vazhdimisht na pengon në rrugën tonë. Sipas mendimit tim Jamie është një idiot. Nuk do të hyj në detaje sepse gjithmonë kam respektuar privatësinë tonë, por në të njëjtën kohë nuk kam ardhur në këtë vend që të mos jem në gjendje të shpreh mendimin dhe lirinë time”, tha për mediat aktori 27-vjeçar, i lindur në Iran.
Spears dhe Asghari u takuan për herë të parë në setin e xhirimeve të videoklipit të saj “Slumber Party” në 2016 dhe nisën njohjen gjatë atij viti.
