Filmi i vitit 2005 “Mr & Mrs Smith” është më i famshëm i Angelina Jolie dhe Brad Pitt, dhe ai që çoi në nisjen e një romance mes dy aktorëve që zgjati për 12 vite, deri në 2016-n. Tani rapotohet se filmi do të rikthehet sërish, por nuk do të luhet më nga ata.
Donald Glover, 37 vjeç, dhe Phoebe Waller-Bridge, 35 vjeçe, janë përzgjedhur që të luajnë rolin e personazhëve kryesorë në filmin aksion.
Aktori i pari dha lajmin: “Mr + Mrs Smith. Donald Glover x Phoebe Waller-Bridge”.
Sipas ‘Variety’, projekti i ri do të jetë një serial i bazuar në filmin “Mr + Mrs Smith”, ku Jolie dhe Pitt luajnë rolin e një çifti të martuar që janë vrasës të fshehtë, që punojnë për kompanitë kundërshtare. projekti do të realizohet nga Amazon dhe do të publikohët në 2022-shin.
Aktorët kanë bashkëpunuar më herët në filmin ‘Solo: A Star Wars Story’, të publikuar në 2018-n.
