Bashkimi Evropian i bën thirrje qeverisë shqiptare se po vë në rrezik hapjen e negociatave me miratimin në Kuvend të paketës ‘Anti-shpifje’, që cenon lirinë e medias.
Reporteri për Shqipërinë në Grupin Partive Popullore Evropiane të Parlamentit Europian David Lega deklaron se qeveria duhet të reskeptojë kriteret e Kopenghagenit. Ndryshe rrezikohet seriozisht hapja e negociatave me Bashkimin Evropian.
“Po përsëris qëndrimin tim mbi rrezikun që mbartin ligjet e reja për median në lidhje me çeljen e mundshme të negociatave me BE. Grupi PPE i Parlamentit Europian beson fort në çeljen e negociatave të anëtarësimit me Shqipërinë. Por Shqipëria duhet të respektojë kriteret e Kopenhagenit që janë një standard bazik e minimal për një vend kandidat. Nëse qeveria Rama do të miratojë në plenare ligjet në formën aktuale atëherë ajo po vë në rrezik serioz shansin për çeljen e negociatave të anëtarësisë në BE. Qeveria Rama duhet patjetër të përmbushë rekomandimet specifike të dhëna nga Komisioni Europian dhe nga Këshilli i Europës”, shkruan Lega në Twitter.
<— If the Rama administration approves the media legislation in plenary in its current form it will seriously endanger the chances for opening of EU membership negotiations. They need to comply with the recommendations issued by the European Commission and the Council of Europe.
— David Lega (@DavidLega) January 29, 2020
Nesër Kuvendi miraton paketën ‘Antishpifje’ pas kthimit të tij nga presidenti Ilir Meta, ku mazhoranca nuk e ka marrë fare në shqyrtim dekretin e kreut të shtetit.
Miratimi pritet të shoqërohet me protesta të shumta të gazetarëve, por edhe organizmave ndërkombëtarë të cilët theksojnë se me këtë ligj cenohet liria e medias.
